Жалғыз ұлынан айырылған ана әділдікті талап етеді! Қызылорда облысында мамыр айында 9-шы сынып оқушы әлімжеттіктен көз жұмған болатын. Ерасыл Төребай өз сыныптастарымен 10-шы сынып оқушыларының айтуымен ауыл шетіне барған. Жоғарғы сынып оқушылары онда келген балаларды «бізді сыйламайсыңдар» деген уәжбен соққыға алыпты. Көкірек тұсынан соққы алған Ерасыл көпке ұзамай, сол жерде жан тапсырған еді. Марқұмның анасы тергеу амалдары 3 айға созылып, әлі күнге дейін күдіктілер сот алдына бармады деп налиды.