Үкімет Жолдаудан туындаған міндеттерді іске-асыру жөніндегі Жалпыұлттық жоспарды бекітті. Мұнда түрлі бағыттарды қамтитын жүзден астам іс-шара бар. Соның ішінде жалақыны көтеру, жеке сектордың үлесін ұлғайту, салықтық жүктемені азайту арқылы нақты табыстың өсуін қамтамасыз етуге ерекше назар аударылады. 5 жыл ішінде барлық қала мен ауылдарды таза ауыз сумен қамтамасыз ету көзделген. Білім, денсаулық сақтау салаларындағы өзекті мәселелерді шешу де негізгі міндеттердің бірі болмақ. Басты мақсат — қазақстандықтардың әл-ауқатын арттыру.