Енді елімізде жатақхана жетпей, саябақ кезіп, вокзалда түнейтін студенттер болмауы керек. Биылдың өзінде 14 жатақхана пайдалануға беріледі екен. Оның 10-ы Алматы қаласында салынып жатыр. Өткен жылы 600 мыңнан астам қыз-жігіттің 100 мыңға жуығына орын жетпей, далада қалған болатын. Ғылым және жоғары білім министрлігі 30 мың студенттің мәселесін 9 айдың ішінде шешіпті. Әлі 55 мың білім алушыны жатақхана мәселесі күтіп тұр.