Лотореядан көлік ұтып, ұтысты қайырымдылыққа жұмсады. Көпке үлгі болар азаматтық жасаған — батысқазақстандық Нұрлыбек Иманбаев есімді әскери қызметкер. Жеңімпаз ұйымдастырушылардан жүлдені ақшалай берулерін өтініп, қаржының бір бөлігін Алматыдағы бүлік кезінде қаза болған Дәулет Жұпарбеков пен Мейірхан Бітімнің отбасына аударған. Ал енді бір бөлігін көпбалалы, тұрмысы төмен отбасыларды баспанамен қамтамасыз етіп жүрген қайырымдылық қорына бермек. Қалған қаражатты Оралдық 5 жасар қыздың еміне көмек ретінде беремін дейді. Көліктің құны 7 жарым милион теңге.