Су тапшылығының алдын алу мақсатында елордада жаңа нысанның құрылысы басталды. Мұнда тәулігіне 188 мың текше метр тіршілік нәрін тазартуға болады. Қала әкімі Жеңіс Қасымбектің сөзінше, былтыр станцияларға су жеткізу үшін 3 шақырымнан аса құбыр тартылған екен. Ал биыл 5 айда тағы 6 км-ге жуық су жолы салынған. Сондай-ақ, алдағы уақытта тағы 20 жобаны іске асыру көзделуде. «Бұл шаһарды үздіксіз сумен қамтамасыз етуге мүмкіндік береді», — дейді қала басшысы.