Қазақстан мен Қытай арасындағы әуе қатынасы кеңейе түспек.
Аспан асты елінің Urumqi Airlines компаниясы Қазақстанға үш жаңа бағытты ашуды жоспарлап отыр. Бұл туралы Азаматтық авиация комитеті мәлімдеді. Көлік вице-министрі мен қытайлық әуе тасымалдаушы басшылығы кездесу барысында жаңа рейстерді іске қосу мәселесін талқылады.
Компания Үрімші – Қарағанды, Құлжа – Астана және Құлжа – Алматы бағыттарына тұрақты әуе қатынасын ашуға ниет білдірген. Қазақстан тарапы да өз ұсыныстарын жеткізіп, Өскемен мен Семейге, сондай-ақ алдағы уақытта Зайсан және Катонқарағайдағы жаңа өңірлік әуежайларға ұшуды қарастыруды ұсынды.