Салауатты өмір салтын насихаттап, жастарға жаңа мүмкіндіктер ұсыну: елордада «Астана Жас Жігер» жобасының салтанатты жабылу рәсімі өтті.
Шара барысында футбол турнирі ұйымдастырылып, волейбол мен үстел теннисінен үздік нәтиже көрсеткен қатысушылар да марапатталды.
Бағдарлама үш негізгі бағытты қамтыды. Олар — құқықтық сауаттылықты арттыру, кәсіби дамуға қолдау көрсету және спортқа баулу.
Бастаманы «Астана жастары» жастар ресурстық орталығы «Заң және тәртіп» нарративі аясында жүзеге асырды. Жобаның негізгі мақсаты — NEET санатындағы жастарды әлеуметтік ортаға бейімдеп, олардың қоғамдық өмірге белсенді араласуына жағдай жасау.
Жанар Арғын