Елдің төрінде емес, пештің түбінде отырғандаймыз! Тұншығып жатыр астана, көрпедей жапты көк түтін! Бірер күннен бері Нұр-Сұлтанның аспанын торлаған көк түтінге қатысты пікір білдірмеген адам кемде кем. Теңеудің түр түрі айтылуда. Енді ше, күн суыды, пешке көмір шелектеп салынып жатыр. Түтінді қуар Сарыарқаның самал желі де қырсыққанда соқпай қалады. Бұл жағдай қала тұрғындарының мазасын алуда.