Алдағы күндері күн күрт суытады. Қазгидрометтің мәліметінше, 10-12 қыркүйек аралығында ел аумағында жауын-шашынды, кей жерлерде найзағай ойнап, жел күшеюі мүмкін. Еліміздің солтүстігі мен солтүстік-батысында температура +13…+23 градусқа дейін төмендеуі мүмкін. Ал оңтүстікте жылылық сақталады. Батыс аймақта жауын-шашын бәсеңдеп, ауа райы біртіндеп тұрақталады. Тіпті күн жылынып, температура +20…+28 градусқа дейін көтеріледі деп күтілуде.