Атырауда карантинде жатқан отандастарымыз шағым айтып жатыр. Стамбулдан келген бір топ жолаушы алғашқыда жергілікті университеттің жатақханасында болдық дейді. Онда бір қабатта ортақ дәретхана, душ болса керек. Келгендердің біреуінен вирус анықталып, карантин мерзімі тағы созылған. Бірақ, бұл жолы жаңадан салынған көппәтерлі үйге жіберіпті. Арнамызға хабарласқан студенттердің сөзінше, ол үй жаңа болған соң жылуға қосылмаған.