Бүгін Бектеновтен сөз естіген шенеунік Семейдегі ахуалға қатысты пікір білдірді. Абай облысы әкімінің орынбасары Бекжан Бапышевтың сөзінше, аймақ жылыту маусымына толық дайын. Қажетті жұмыстар штаттық режимде жүргізіліп жатыр. 1 қазаннан бастап шаһарда әлеуметтік нысандар жылуға қосылса, қазір көпқабатты тұрғын үйлерге берілуде. Сондықтан алаңдауға негіз жоқ. Ал желілеріндегі іркіліс мердігер компанияның жабдықтарды кешіктіруінен болды, — дейді Бапышев.
БЕКЖАН БАПЫШЕВ, ОБЛЫС ӘКІМІНІҢ ОРЫНБАСАРЫ:
Үкімет басшысы Олжас Абайұлы Бектеновтің бүгін берген ескертпелері толығымен қабылданды. Бізде Семей қаласы бойынша өтпелі 5 жоба бар. Яғни екі жылдық. Сол бір жоба бойынша мердігер ұйым тарапынан олқылықтар болды, яғни құрылғылар уақытылы жеткізілмеді. Бүгінгі күні қондырғылар толығымен орнатылды. Біз жылыту маусымына толығымен кірдік.