Ақтөбеде өкпенің қабынуы «асқынып» тұр. Тек соңғы екі аптада 47 адам пневмониядан қайтыс болған. Жедел жәрдем көліктері тәулік сайын провизорлық орталықтарға жүздеген пациентті тасудан қолдары тимей жатыр. Ауруханаға баруға жүрексініп, үйден қатынап, амбулаториядан ем алып жүргендердің өзі 800-ден асып кеткен. Ал еріктілер болса, күйзеліске түскен пациенттерге көмектесетін психологтар іздеп әлек. Ақтөбе қашан пневмониядан «айығады»? Жағдай неге бұлай ушықты?