Жекеменшік жерлерін 10 жыл бойы заңдастыра алмай отыр. Алматы облысына қарасты Жаркент қаласындағы 10 шақты үй орман алқабында қалып қойған. «Мәселемізді айтып, бармаған жеріміз, баспаған тауымыз жоқ. Енді, жатсақ-тұрсақ басымыздағы баспанамыздан айырылып қаламыз ба деп, алаңдап жүрміз» дейді жұрт. Арнамыз арқылы араша сұраған ағайынның мұң-мұқтажын тілшіміз тыңдап қайтты.