Жамбыл облысында оқ-дәрілер қоймасындағы жарылыстан соң осы күнге дейін белгісіз болып келген 3 мәйіттің тұлғасы анықталды. Қорғаныс министрлігі олардың Жамбыл облыстық төтенше жағдайлар департаменті қызметкерлері екендігі туралы ақпарат таратты. Марқұмдардың тұлғасын анықтау үшін ДНК сараптамасы тағайындалып, оның қорытындысы бүгін белгілі болған екен. Ал осы оқиғадан соң із-түссіз кеткен тағы 1 әскери қызметкер жөнінде әзірге еш хабар жоқ.