Новости

«Далада қалудан қорқамыз!» Ақтөбеде жиырма шақты отбасы әкімдіктен көмек сұрап отыр. Шағымын айтқан отбасылардың дені аз қамтылған жалғызбасты аналар мен мүгедек бала тәрбиелеп отырғандар. Еш жағдайы жасалмаған баспананы тұрғындарға пайдалануға берген кім?

Елордадан баспана алып, қоныс тойын тойлаймыз деген үлескерлердің арманы он төрт жылдан бері орындалмай келеді. Құрылысы жаңадан басталған баспанаға қомақты қаражат құйғандар қолдарында барлық құжаттары болса да, пәтерлеріне кіре алмай әлек. Өйткені, серіктес компанияның басшылығы екінші қайтара сатып жіберген екен. Бұдан бөлек, құрылыста да талай құйтырқылықтың жатқандығын жайып салды. Ал, Жоғарғы сот бұл азаматтарды жәбірленушілер қатарынан алып тастапты. Шындық іздеп …

Бала керек пе? Қара нарықтан қараңыз. Бұл – жарнама емес, қазіргі бала асыраудың сіз бен біз білмейтін құпиясы. Нәрестелердің бағасы 500 мың теңгеден басталады. Оны рассрочкаға, яғни бөліп төлеумен алуға болады. Бір сәбиге зар болып отырғандар балалар үйіне барса, құндақтағы шақалақ жоқ дейді. Болған күннің өзінде оның аға-әпкесі бар. Ал заң бойынша бауырларды бөлуге болмайды. Сөйтіп, үйі қу мазарға айналған …

Кәсіпкерлер палатасы қолдаудың орнына, қорлық көрсетті. Таразда бизнеспен айналысқысы келген тұрғындар осылай деп шу шығарды. Олар мемлекет тарапынан 583 мың теңге көлемінде қайтарымсыз грант алып, жеке істерін бастауға ниетті болған. Ол үшін жұмыспен қамту орталығына жұмыссыз ретінде тіркеліп, кәсіпкерлер палатасы арқылы оқыту курсынан өтулері тиіс екен. Сол оқуға тіркеу онлайн режимде бүгін басталды. Алайда, тұрғындардың тіркелеміз деген әрекетінен еш нәтиже …

Таразда түн ішінде мектеп оқушыларына белгісіз біреулер оқ атып, 3 жасөспірім ауруханаға түсті. Олардың басы, мойны мен аяқтарына бытыра тиген. Зардап шегушілердің екеуі 16 жаста болса, үшіншісі 17-ге толған. Барлығы ауруханада ем-дом қабылдап жатыр. Полицейлер осы қылмысты жасады деген күдікпен 19 жастағы ер адамды ұстаған. Бұл оқиға бойынша қылмыстық іс қозғалып, тергеу амалдары жүріп жатыр.

Денсаулық сақтау министрлігі коронавирусқа қатысты болжамын өзгертті. Мамыр айының ортасына қарай 4000-ға жуық отандасымыз Ковид жұқтыруы мүмкін. Ал вакциналау науқаны кестеге сай жалғасқан жағдайда бұл көрсеткіш 3 мыңның шамасында болады. Үкімет отырысында есеп берген Алексей Цой вакцинациялау қарқыны бәсең өңірлердің атын атап, түсін түстеді. Алда індетпен күреске еліміз қосымша тағы 265 млрд теңге қарастырмақ екен. Бұл сома қайда жұмсалады?

«Нәжістің үстінде отырмыз.» Шымкентте жалдамалы пәтерлі болған тұрғындардан бес жылдан бері маза қашқан. Жылдап күтіп қолдары әрең жеткен баспаналарының сыйқына көңілдері мүлдем толмайды. Қыс бойына үйлерінің төбесінен су өтсе, енді міне күн жылығанда нәжістің сасық исіне көнуге тура келіп тұр. Ал, ашынған жұрт жауаптылардың есігін қаққанымен, ешқандай көмек жоқ дейді. Тек, құрғақ уәдеге тойып шығамыз дегенді жасырмайды.

Өзен жекенің қолына өткелі, өңірде өлген балықтар көбейді. Шығыс Қазақстан облысы Жарма ауданындағы Шар қаласының тұрғындары дабыл қағып жатыр. Жағалаудан 800 метрдей жерде жалпы салмағы 450 келіге тартатын өлі балықтар табылыпты. Жергілікті жұрттың айтуынша, өзендегі су деңгейі айтарлықтай төмендеп, орталық бөліктерінде су тереңдігі 80 сантиметрге әрең жетеді. Болжам бойынша, балықтың қырылуына су қоймасындағы таяз жерлердің қатуы себеп болуы мүмкін.

Елімізде вакцина салдырғандар саны 700 мыңға таяды. Оның 120 мыңға жуығы екпенің екінші дозасын қабылдағандар. Мамандар вирусқа қарсы иммунитет екі жылға дейін жетеді деп болжауда. Осы күндері Алматы мен Нұр-Сұлтандағы сауда орталықтарында арнайы орындар ашылып, екпе салдырғандар қатары күрт көбейді. Мамандар тұрғындарды таңғы сағат 10-нан кешкі 22:00 аралығында қабылдайды.

Ақтөбедегі базар саудагерлері шу шығарды. Олар көшеде жеміс-жидек сатып отырғандарға шенеуніктер неге шара қолданбайтынына наразы. Солардың кесірінен сауда орнының ішінде отырған біздің саудамыз жүрмей қалды деп отыр. Саудагерлер айтқандай, шынымен көшеде тұрғандардың «көкесі» бар ма? Тараптардың тартысы немен тынды?