Новости

Енді арулар мерекесіне қайта оралсақ. Бүгін біз жігіттер қыздарымызды қанша құттықтап, қанша мақтасақ та артық болмас. Дегенмен, ардақты да аяулы аналарымызға құрмет көрсетуіміз міндет. Талай ақынның өлеңіне арқау болып, талай әншіні танымал қылған ана туралы әндер әрқайсының жүрегін тебірентері анық. Ендеше, сөздерін жасы да, жасамысы да жатқа біліп, әр тойдың төрінен табылатын әндердің шығу тарихына үңіліп, бірге шырқап көрейік.

Қазақстанды феминизм құтқарады! Осылай деп ұрандатқан мыңнан астам нәзік жан бүгін Алматы көшелерімен жүріп өтті. Әйелдер құқығының тапталмауын сұрап, патриархат жойылуын талап еткендер бейбіт шеру өткізу үшін әкімдіктен рұқсат алыпты.

Мемлекет басшысы Қасым-Жомарт Тоқаев еліміздегі нәзік жандарды Халықаралық әйелдер күнімен құттықтады. Көктемнің шуақты мерекесі қашанда жүрегімізді сүйіспеншілік пен ізгілікке, мейірім мен шапағатқа бөлейді деген Президент, ер адамдар жыл сайын осы күні адамзатқа әсемдік сыйлайтын әйелдер қауымына ықылас-ілтипатын білдіріп, ақ тілек арнауға асығатындарын атап көрсетті.

Экваторлық Гвинеяда Арыс оқиғасы қайталанды. Орталық Африкада орналасқан елдің әскери қоймасында жарылыс болып, 20 адам қаза тапты. Тағы 600 жан жарақат алған. Ел билігі көршілес мемлекеттер мен халықаралық ұйымдардан көмек сұрады.

Бүгін 8 наурыз – Халықаралық әйелдер мерекесі. Осы бір жайма шуақ көктемнің айтулы датасында әрбір ер азамат өзінің әжесін, анасын, жарын, әпкесін, қарындасын құттықтауға асығады. Талғамға сай, сыйлықтардың түр-түрін алады. Бірақ, нәзік жандылар жылына бір келетін осы бір мейрамда қандай сый-сияпат алғысы келеді? Қыз-келіншектерді ерекше әдіспен құттықтағандар жайлы келесі бейнематериалда толығырақ.

Еліміздің полицейлері 8 наурызға орай, қыз-келіншектерге мерекелік көңіл күй сыйлады. Әр салада қызмет етіп жүрген әйелдер қауымын құттықтап, түрлі тәсілмен таң қалдыруға тырысты. Мәселен, көлік тізгінінде жүргендерге аруларға әкімшілік хаттама емес, гүл шоқтарын ұсынды. Сондай-ақ, қызметтік иттің көмегімен де тәнті қылып, патрульдік көліктермен арнайы флешмоб ұйымдастырды.

Қостанайда анасы бауыр еті баласын айдалада тұншықтырып өлтірді. Безбүйрек әйел 11 жылдан кейін ғана жасаған сұмдық әрекетін өз туысқандарына айтып, мойындапты. Кейін бар шыңдықты білген жақыны полицейлерге оқиғаның мән-жайын айтып берген. Қазір тәртіп сақшылары барлық деректерге сүйене отырып, қызға қатысты ақпаратты тексеріп жатыр. Бала азаматтық хал актілерін тіркеу бөлімінде тіркелген. Құжаттарда қыздың анасы тұрған ауыл көрсетілген. Алайда әйел де оның …

Мұқтаждық па әлде масылдық па? Елімізде танымал тұлғалардан қайыр сұрап, қол жаятындар көбейіп барады. Әрине, жағдайы жақсы болса мұқтаж жанға көмектескенде не бар дерсіз? Бірақ қол-аяғы сап-сау, еңбек етуге қабілетті жастардың қайыр сұрауы неге жиіледі? Ал көмек беруден бас тартқандарды қарғап-сілейтіндердің көксегені не?

Алматы облысының бір топ тұрғыны әлеуметтік статустарынан айырылғандарын айтып шағымданды. Араларында 10 жылдан бері 2-ші топ мүгедегі саналып келген азамат та бар. Өткен жылы оны «ауыруынан құлан таза айығып кетті» деп, сау адамдар қатарына қосыпты. Бір жылдың ішінде 1500 кембағал жанды арнайы комиссия «сау» деп тапқан. Алайда мүмкіндігі шектеулі жандар жұмысқа тұра алмауда. Медициналық сақтандыру болмағандықтан дәрігерлерге де қарала аламаймыз …

Түркістан облысында ұстаздар қауымы білім және ғылым министрлігіне үндеу жолдады. Олар Арыс қаласындағы жалғыз мектеп-интернатының жабылуына қарсы. Айтуларынша, шопандар мен шалғай елдімекенде тұратын отбасылардың балалары жатып оқитын интернат өз жұмысын тоқтатын болса, талай шәкірттер далада қалуы мүмкін екен. Оның үстіне, мұғалімдердің де жәйі не болмақ?