Алматыда бір түнде кальян шеккен 50-ден астам адам жауапқа тартылды.
Бостандық ауданының полиция қызметкерлері түнгі рейдке шығып, ойын-сауық орындарын тексергенде заң талаптарын өрескел бұзғандарды анықтады. Көңіл көтеру орындарына келген тәртіп сақшылары түтікшені бұрқылдатып, көк түтінді будақтатып отырғандардың үстінен түскен. Заңмен тыйым салынған орындарда қор-қорға тапсырыс берген 55 адам әкімшілік жауапкершілікке тартылды.
Ал заңсыз айналымнан 60-қа жуық кальян тәркіленді. Сонымен қатар рейд кезінде алкоголь өнімдерін белгіленген уақыттан тыс сатудың үш дерегі тіркеліп, сауда нысанының иесі әкімшілік жауапкершілікке тартылыпты.
Ұлан Тәліпбай