Астанада күзетші 21 млн теңгенің кабелін ұрлады деген күдікке ілінді. Полицияның мәліметінше, 31 жастағы азамат бұрын өзі жұмыс істеген құрылыс аумағына емін-еркін кіріп, қымбат электр сымдарды жасырын алып кеткен. Көп ұзамай қолының сұғанағы бар ер адам ұсталып, уақытша ұстау изоляторына қамалды. Қазір бұл дерек бойынша сотқа дейінгі тергеу жүргізіліп жатыр.