Отбасы банктегі былық. Қызметкерлері тұрғын үй кезегін заңсыз жылжытып, қалтасын қампайтқан. Сыбайлас жемқорлық сипатындағы бірқатар әрекетті банктің өзі әшкере қылды. Бұл туралы қаржы ұйымының 2025 жылға арналған есебінде көрсетілген. Күдіктілер клиенттерге, риелторларға және жеке сот орындаушылары мен нотариустарға белгілі бір мәселелерді шешуге көмектескенге ұқсайды. Сондай-ақ банк филиалдарының бірінде клиенттердің несие төлеу қабілетін растау үшін табысы туралы жалған құжаттар дайындап, несие өтінімдеріне қоса бергені де анықталыпты. Заңсыз жұмыс істегендер жұмыстан қуылған. Аталған деректер бойынша бірнеше қылмыстық іс қозғалды.