Астанада осы демалыс күндері ауыл шаруашылығы жәрмеңкесі ұйымдастырылады. Онда еліміздің әр өңірінен келген фермерлер мен өндірушілер өз өнімдерін ұсынады. Қала тұрғындары мен қонақтары көкөніс, жеміс-жидек, ет, сүт және ұн өнімдерін, сондай-ақ кондитерлік тағамдар, табиғи шырындар мен тосаптарды сатып ала алады. Жәрмеңке демалыс күндері сағат 10:00–19:00 аралығында «Керуен жолы» сауда орталығында өтеді.