Астанадағы «Нұрлы жол» вокзалының төбесі опырылды. Оқыс оқиға кезінде шатырдың бір бөлігі ойылып, қалдықтары жерде шашылып қалған. «Қазақстан теміржолы» компаниясының мәліметінше, жабын кеше кешкі сегізге таман үшінші қабатта құлапты. Жауын-шашын ағып өтетін канализациялардың түйіскен жері зақымданыпты. Содан төбе бүлінген көрінеді. Қазіргі уақытта құбырлар жөнделіп, жарамсыз жерлер қалпына келтіріліпті.