Новости

Еліміз қайтадан «қызыл аймаққа» таяп келеді. Бір тәулікте Covid-19 инфекциясын жұқтырғандардың саны 1500-ден асты. Вирус жабысқандардың басым бөлігі Алматы қаласында тіркелген. Бұл тізімнен бас қала да қалыспай келеді. Эпидемиологиялық жағдайдың ушығуына байланысты оңтүстік шаһар әкімі шұғыл жиын өткізіп, қалада коронавирустың үшінші толқыны басталғанын ресми мәлімдеді. Республика аумағына блок бекеттер қайта қойылуы мүмкін деген ақпар рас па? Қайтадан қатаң шектеу шаралары …

19 жастағы алматылық бойжеткенді өлтірді деп айыпталған күдікті ауруханадан шығарылды. 1993 жылғы жігіт емделіп шыққан бетте тергеу изоляторына жөнелтілген. Қылмыстық тексеру жұмыстары аяқталғанша, ол уақытша абақтыда ұсталады. Алматы қалалық прокуратурасы күдіктінің бірнеше адамның өліміне қатысы бар деген қауесетті жоққа шығарды. Себебі, оның тұрғылықты жерінен жәбірленуші Аяжан Еділоваға тиесілі заттар ғана табылған. Қылмыскерді қандай жаза күтіп тұр? Жалпы мұндай жауыздыққа кімдер …

19 жастағы Аяжанды өлтірген қылмыскер оның денесін бір тәулік бойы асықпай боршалаған. Әр тісін қағып алып, тырнақтарын біртіндеп кескен. Одан кейін басын бөлек қайнатып, құйқасын сылып тастаған. Тек бассүйегі қалған. Марқұм бойжеткеннің немере інісі жантүршігерлік қылмыстың жай-жапсарын ашып айтты. Оның сөзінше, полиция біраз нәрсені білмейді, я жариялағысы келмейді. Тіпті ДНҚ сараптамасыз оның Аяжан екеніне көз жеткізу де мүмкін емес екен. …

Ертең, яғни 27 наурыз халықаралық театр күні. 1961 жылдан дүниежүзінде тойланып келеді. Қазір еліміздегі рухани ордалар осы бір кәсіби мейрамына қызу дайындық үстінде. Тәуелсіздікпен түйдей құрдас, астанадағы қазақ драма театрының 30 жылдық шығармашылығы өмірі алдағы сюжетте.

Павлодар облысында тұрғын үйлердегі тұрмыстық техникалар жаппай жанып кеткен. Осылайша тұрғындар бір-ақ күнде бірнеше миллион шығынға батты. Тоңазытқыштағы тамақтары бұзылып, кейбірінде тіпті үйдің іші қақап кеткен. Электр желісінің жұмысы неден бұзылды? Зардап шеккендерге өтемақы төлене ме?

Алматы облысы мен Ақтөбе өңірінде болған жол апттары бірден 7 адамның өмірін қиып кетті. Марқұмдардың үшеуі бір отбасының мүшелері. Екі оқиғада да жүргізушілер ережені өрескел бұзып, қарсы бетке шығып кеткен. Ал мамандар соңғы жылдары жол апатынан көз жұмғандардың артып барады деп дабыл қағуда. Мәселен, елімізде өткен жылы жолда апатынан қаза тапқандар саны, коронавирус құрбандарының санына жетіп қалған. Толығырақ келесі бейнематериалда.

Құрттаған күріш, іріген сүт! Кепілдендірілген әлеуметтік пакет алып жүрген көрермен азық-түліктің сапасына көңілі толмайтынын айтып, біздің арнаға хабарласты. Оның сөзінше, ай сайынғы берілетін азық-түлік себетін балаларға беру мүмкін емес. Себебі қораптарын тышқан тессе, ботқаларының мерзімі өтіп кеткен. Жалпы азық-түлік себетіне қашан өзгеріс енгізіледі? Мамандар қандай уәж айтуда?

Қазақтың жері шетел банктерінде кепілде тұр. Қоғам қайраткері Мұхтар Тайжан әлемдік қаржы ұйымдарына кепілге қойылған жер телімі көп дейді. Қасиетті қара топыраққа келгенде Қазақстан Үкіметі ондай келісімшарттарды біржақты бұзып, тез арада туған жерді банктің бұғауынан босату керек деп есептейді ол. Бүгін жаңадан құрылған жер реформасы жөніндегі комиссияның алғашқы отырысы өтті. Жиыннан бір репортаж көріңіздер.

Арқа төсі қар құрсауынан шыға алмай жатса, ордалы оңтүстік дән себуді бастап кетті. Бірақ қолынан кетпенін тастамай, белі бүгіліп тер төккен диқандардың бәрі жиын-терімде қарқ болмайды. Былтыр орамжапырақтың жан баласына керек болмай, жерде шіріп кеткенін көз көрді. Жылда шаруаның шығарған өнімін күзге дейін саусағының ұшын да қимылдатпай, ақшасын қалтасына басқан күйі егіс алқабына талтаңдап баратын делдалдар жерге ұрып тастайды. Осының …

Әкімдіктің қолынан қорқыту ғана келеді. Сегіз жылдан бері баспанасын сарыла күткен қарағандылықтар үйдің құрылысын бақылаудың орнына, оларға қоқан-лоққы көрсете бастаған шенділерге ашулы. Жалдамалы пәтерді паналаймын деп, шыдамы таусылғандар, отбасы ойран болғандар да бар екен.